Бэлэг

Сав саарал тэнгэр надад юу бэлгэлснийг хараач

Сая сая одод алган дээр минь дусалж байна

Энгэр цээжиндээ бүчсэн тороо

Эцсийн удаа нээгээд тайвширч байна

Хөв хөх тэнгэр надад юу бэлдсэнийг хараач

Хүлээн хүлээсэн хүлээлтээ сэтгэлдээ тэврээд санааширч байна

Холын хол, холоос ч хол явчих юмсан гэх 

Хорлонт хүсэл сэтгэл дүүрээд байна

Хав хар тэнгэр надад юу зэхснийг хараач

Хачин дулаахан саран өөдөөс өнгийн мишээнэ

Өөртөө үлдээсэн үгээгүй хоосон зүрхээ

Өгөхөөс өөр өчил надад үлдээгүй билээ

2015.09.30